Jayaraj Mithra
താരകക്കുഞ്ഞ്
ങും…. ങും…. ങും…. ങും….
മാനത്തേ മാമന്റെ മാഞ്ചാടും തോപ്പിലെ
മാരിയിളം മുത്തുറങ്ങിയല്ലോ
പൂവായ പൂവെല്ലാമോടിനടന്നോരു
പൂമ്പാറ്റക്കുഞ്ഞുമുറങ്ങിയല്ലോ..
കണ്ണനുറങ്ങ്…
തങ്കമെന്റെ ചോലിലുറങ്ങുറങ്ങ്…
(മാനത്തേ മാമന്റെ…. )
ആകാശക്കൊട്ടാരക്കെട്ടിലെത്തൊട്ടിലിൽ
താരകക്കുഞ്ഞുമുറങ്ങിയല്ലോ
പിച്ചകപ്പൂമാല കുഞ്ഞിക്കഴുത്തിലണിഞ്ഞോരു
തെന്നലുറങ്ങിയല്ലോ
സ്വത്തേയുറങ്ങ്…
കുഞ്ഞിക്കണ്ണിൽ തങ്കക്കിനാവും നിറച്ചുറങ്ങ്‌
(മാനത്തേ മാമന്റെ…)
മിന്നാമിനുങ്ങിനു കൺമഷി ചാലിച്ച
കരിമേഘക്കുട്ടനുറങ്ങിയല്ലോ…
തുമ്പക്കുടത്തിലെത്തുമ്പത്തെത്തേനൂറും
പുഞ്ചിരി ചുണ്ടിലണിഞ്ഞുറങ്ങ്
മുത്തേയുറങ്ങ്…
പൂന്തുsയിൽ താളം രസിച്ചുറങ്ങ്
ങും… ങും…. ങും….. ങും….
9 comments on “താരകക്കുഞ്ഞ്”
-
നല്ല ഒരു താരാട്ടു പാട്ടു മനോഹരമായ വരികൾ ഈണം പകർന്നതും മനോഹരം തന്നെ 👌👌👌👌🌹
-
താരകകുഞ്ഞുങ്ങൾ ഉറങ്ങിയോ ❤️❤️❤️
-
ചോലിൽ (!)😘
-
താരാട്ടീണവും വരികളും അതീവ ഹൃദ്യം
-
കുട്ടിയെ ഉറക്കുന്ന രണ്ട് അച്ഛൻ രണ്ട് വീട്ടിലിരുന്ന് ഉണ്ടായ പാട്ടാ.സൂപ്പർ
-
കോഴിക്കോടുള്ള RJ റാഷിയാണ് ഈണവും പാടിയതും.ഹൃദയസ്പർശി ആയിട്ടുണ്ട്...👍
-
പാതിയിലേറെ ക്രെഡിറ്റ് ഈണമിട്ട് പാടിയ, തബലിസ്റ്റ് ഉസ്മാൻ്റെ പേരക്കുട്ടിയായ റാഷിദ് നസീറിന് ചെല്ലട്ടെ.
-
