എത്ര കേട്ടാലും മതി വരാത്ത കൃഷ്ണകഥകള്‍. എത്ര കണ്ടാലും ആര്‍ക്കുമാര്‍ക്കും കൊതി തീരാത്ത കൃഷ്ണരൂപം. പാട്ടുകാര്‍ക്ക് കണ്ണനെപ്പറ്റി പാടി മതിയാകുന്നില്ല. ചിത്രം വരക്കാര്‍ക്ക് വരച്ചുമതിയാക്കാനാവുന്നില്ല. കഥകള്‍ പറയുന്തോറും കള്ളച്ചിരിയോടെ മനസ്സില്‍ വന്ന് ഇനിയുമുണ്ടെന്ന് തഞ്ചിക്കൊഞ്ചി ഓര്‍മ്മിപ്പിക്കുന്ന മാനസചോരന്‍. ആ കള്ളക്കണ്ണന്റെ കഥകളാണ് “ഗുരുവായുപുരത്തുണ്ണി”. ഇവിടെ കഥാകാരനും പറഞ്ഞുമതിയായിട്ടില്ല എന്ന് കഥകളില്‍ നിന്നറിയാം.