Jayaraj Mithra
കൈത
കതിരുറ്റ നെൽവയൽ നിറമുള്ള വയറിന്റെ
നിന്നരഞ്ഞാണം പോലൊഴുകുന്ന തോടിന്റെ
കരയിലൊരു ചെമ്പകമരത്തിന്റെ ചാരത്ത്
പൂക്കാൻ തുടിക്കും കടമ്പിന്റെ ചോട്ടിലായ്
നിൻമുടിത്തുമ്പിൽത്തുളുമ്പുന്ന നീർത്തുള്ളി
മുത്തിത്തുടുക്കാൻ കിതച്ചേന്തി നിൽക്കുന്ന
ചന്ദനം ചാലിച്ച പോലുള്ള പൂവിന്റെ
ചന്തം കുടിക്കുവാനെത്തിനോക്കുന്നോരു
കൈത തൻ തുമ്പിലായൊരു പൂവു കണ്ടു ഞാൻ.
